थिगळस्थळ येथे अपघातात दोन्ही वाहनचालक जागीच ठार

प्रदीप शिवाजी बरकडे (वय २१, रा. कंळब नांदुर, ता. आंबेगाव), दीपकभाई भामाभाई परमार्थ (वय २८, रा. राजकोट, गुजरात) असे मृत्यू झाल्याची नावे आहेत. पुणे-नाशिक महामार्गावर टेम्पो पुणेकडून नाशिक बाजूकडे जात होता. दरम्यान नारायणगाव येथून भाजीपाला घेऊन पिकअप येत होती. थिगळस्थळ येथे चासकमान धरणाच्या डाव्या कालव्याशेजारी या दोन्ही वाहनांची समोर जोरदार धडक झाली. या अपघातात पिकअपचालक प्रदीप बरकडे व गुजरात येथील टेम्पोचालक दीपकभाई परमार्थ हे दोघे जण जागीच ठार झाले. या घटनेत दोन्ही वाहनांचा चक्काचूर झाला आहे. रात्रीच्या वेळी ही घटना घडल्याने टेम्पोमधील केबलचे बंडल रस्त्यावर पडले. तसेच पिकअपमधील भाजीपाला रस्त्यावर आल्याने काही काळ वाहतूककोंडी झाली होती. पोलिसांनी घटनास्थळी धाव घेऊन अपघातग्रस्त वाहने रस्त्यातून बाजूला केली. या घटनेचा तपास सहायक पोलीस निरीक्षक भारत भोसले करीत आहेत.