मोठय़ा भावाचा खून

अनैतिक संबंधामध्ये भावाचा अडथळा येत असल्याने थोरल्या भावाचा खून केला. ही घटना खेड तालुक्यातील औदर गावाच्या टपालवाडीमध्ये शनिवारी रात्नी दहाच्या सुमारास घडली.

राजगुरुनगर : अनैतिक संबंधामध्ये भावाचा अडथळा येत असल्याने थोरल्या भावाचा खून केला. ही घटना खेड तालुक्यातील औदर गावाच्या टपालवाडीमध्ये शनिवारी रात्नी दहाच्या सुमारास घडली. पोलिसांनी आरोपीस अटक केली आहे. 

भाऊ नथू मेदगे (वय 42) याचा त्याचा धाकटा भाऊ हरिदास मेदगे (वय 26) याने डोक्यात आणि मानेवर घाव घालून खून केला. 

याबाबत भाऊचे वडील नथू पाटीलबुवा मेदगे यांनी खेड पोलीस ठाण्यात फिर्याद दिली. 

नथू मेदगे यांचा भाऊ नावाचा मुलगा मुंबई येथे डबेवाले म्हणून अनेक वर्षे काम करीत होता. त्याच्यासोबत त्याची प}ी अलकाबाई आणि मुले राहत होती. भाऊ मेदगे यास दारूचे व्यसन होते. 

तो व्यवसायाचे सगळे पैसे दारूत घालवायचा म्हणून त्याला 1 वर्षापूर्वी गावी बोलावून घेतले आणि धाकटा हरिदास याला डबे देण्याचा व्यवसाय करण्यासाठी मुंबईला पाठविले.

 भाऊ काही महिने टपालवाडी येथे गावी आल्याच्या काळात हरिदास  याचे अनैतिक संबंध जुळले. 

कुटुंबियांना समजल्याने त्यांचे मोठे भांडण झाले होते. त्यानंतर  पुन्हा भाऊ आणि दुसरा भाऊ कुंडलिक यांना व्यवसायासाठी मुंबईला पाठविले. (वार्ताहर)

 

4टपालवाडी येथे दत्तजयंतीनिमित्त विविध कार्यक्रम असल्याने मुंबईहून भाऊ आणि कुंडलिक टपालवाडी येथे आले होते. रात्नी 9 वाजता  घरातील सर्व मंडळी घराला बाहेरून कुलूप लावून कीर्तन ऐकण्यासाठी गेली. भाऊ मेदगे हे दारू पिल्याने घरातच झोपले होते. 

4हरिदास मेदगे याने भाऊ घरी एकटे झोपल्याची संधी बघून घरातील मागचा दरवाजा उघडून घरात प्रवेश केला आणि भाऊचा डोक्यात घाव घालून खून केला. नथू मेदगे यांची नात रात्नी घरी आल्यावर तिने भाऊला रक्ताच्या थारोळ्यात पहिले आणि घरच्यांना जाऊन सांगितले. हरिदासने वडिलांना 8 दिवसांपूर्र्वी मी भाऊला मारणार, असे म्हटले होते.