Baramati Election Results 2026: सुनेत्रा पवार यांची विजयाच्या दिशेने वाटचाल सुरु; ८ व्या फेरीअखेर तब्बल ७० हजार मतदान

By ऑनलाइन लोकमत | Updated: May 4, 2026 11:04 IST2026-05-04T11:00:08+5:302026-05-04T11:04:29+5:30

Baramati By Election Results 2026: दोन लाख २३ हजार ७०५ बारामतीकरांनी मतदान केले असून, त्यापैकी एक लाख ६५ हजार २६६ मते मिळाली, तरच मताधिक्याचा विक्रम होण्याची शक्यता आहे

Baramati bypoll election 2026 Sunetra Pawar's journey towards victory begins; 70 thousand citizens vote at the end of the 8th round | Baramati Election Results 2026: सुनेत्रा पवार यांची विजयाच्या दिशेने वाटचाल सुरु; ८ व्या फेरीअखेर तब्बल ७० हजार मतदान — Baramati Election Results 2026: सुनेत्रा पवार यांची विजयाच्या दिशेने वाटचाल सुरु; ८ व्या फेरीअखेर तब्बल ७० हजार मतदान

बारामती : अजित पवार यांच्या अपघाती निधनानंतर बारामतीत झालेल्या विधानसभा पोटनिवडणुकीसाठी ५२.४४ टक्के मतदान झाले आहे. पोटनिवडणुकीसाठी पवार यांच्यासह २३ उमेदवार निवडणुकीच्या रिंगणात आहेत. मात्र, विरोधी उमेदवारांमध्ये एकही राष्ट्रीय पक्षाचा उमेदवार रिंगणात नसल्याने निवडणूक पूर्णपणे एकतर्फी पार पडल्याचे चित्र आहे. विरोधी उमेदवारांनी केवळ उमेदवारी कायम ठेवली, मात्र प्रचारात सक्रिय सहभाग घेतला नाही.

आज सकाळपासून मतमोजणीला सुरुवात झाली आहे. उपमुख्यमंत्री सुनेत्रा पवार सकाळपासूनच आघडीवर आहेत. ८ व्या फेरी अखेर एकूण सुनेत्रा पवारांना आतापर्यंत ७० हजार ६४२ मते मिळाली आहेत. तर इतरांना १ हजार २८९ मते मिळाली आहेत.

राज्याचे उपमुख्यमंत्री अजित पवार यांच्या अपघाती निधनामुळे झालेल्या या पोटनिवडणुकीत राज्याच्या उपमुख्यमंत्री सुनेत्रा पवार या महायुतीच्या उमेदवार आहेत. काँग्रेसचे उमेदवार आकाश मोरे यांनी माघार घेतल्यामुळे प्रमुख राजकीय पक्षांचे उमेदवार निवडणुकीच्या रिंगणात नाहीत. उपमुख्यमंत्री सुनेत्रा पवार यांच्यासह २३ उमेदवार आहेत.

विजयाच्या दिशेने वाटचाल

सध्याची अपडेट पाहता सुनेत्रा पवार यांची विजयाच्या दिशेने वाटचाल सुरु आहे. या पोटनिवडणुकीत दोन लाख २३ हजार ७०५ बारामतीकरांनी मतदान केले असून, त्यापैकी एक लाख ६५ हजार २६६ मते मिळाली, तरच मताधिक्याचा विक्रम होणार आहे. हा ‘जादुई आकडा’ उपमुख्यमंत्री सुनेत्रा पवार गाठणार का, याबाबत उत्सुकता असणार आहे.

Web Title : बारामती उपचुनाव में सुनेत्रा पवार आगे; जीत की ओर अग्रसर।

Web Summary : बारामती उपचुनाव में अजित पवार के निधन के बाद सुनेत्रा पवार आगे चल रही हैं। मुख्य विरोधियों की अनुपस्थिति में, उन्होंने आठवें दौर तक 70,000 से अधिक वोट हासिल किए। उपचुनाव में 52.44% मतदान हुआ। पवार का लक्ष्य रिकॉर्ड के लिए 165,266 वोट हासिल करना है।

Web Title : Sunetra Pawar leads in Baramati bypoll; heading towards victory.

Web Summary : Sunetra Pawar is leading in the Baramati by-election after her husband's death. With main opponents absent, she secured over 70,000 votes by the eighth round. The bypoll saw 52.44% voter turnout. Pawar aims to reach 165,266 votes for a record.

टॅग्स :