पुणे : पालिकेच्या बांधकाम विभागाच्या झोन क्रमांक दोनच्या पथकाने कोंढवा खुर्द, कोंढवा बुद्रुक आणि वडगाव बुद्रुक येथे कारवाई करीत अनधिकृत बांधकाम हटविण्यात आले. या कारवाईत २ हजार ३६० चौरस फूट क्षेत्र मोकळे करण्यात आल्याची माहिती अधिकाऱ्यांनी दिली.
पालिकेने दिलेल्या माहितीनुसार, कोंढवा खुर्द येथील स. नं. ६२ पैकी समरभाई व इतर/ कुणाल आदिल व इतर यांचे ६०० चौरस फूट, कोंढवा बुद्रुक येथील स. नं. १६ पार्ट इनामनगर, साई सर्व्हिसच्या मागे मातोश्री एंटरप्रायझेससमोरील नाझीर शेख व दानिश शेख यांचे १,२०० चौरस फूट असे एकूण १,८०० चौरस फूट क्षेत्र मोकळे करण्यात आले. ही कारवाई २ जेसीबी, १ गॅस कटर, १ ब्रेकर, १ गट पोलीस, १ गट बिगारी यांच्या साहाय्याने करण्यात आली.
यासोबतच वडगाव बुद्रुकमधील स. नं. ५० येथील चैतन्य अपार्टमेंट येथील संजय कुलकर्णी यांचे १०० चौरस फूट, स. नं. ३३/२०, कुदळे अपार्टमेंट क्लासिक हेअर डेसर्स, विकास सोनावले यांचे १०० चौरस फूट, स. नं. ३३, राधाकृष्ण पार्कजवळ व शोभा गाडेकर यांचे १६० चौरस फूट, स. नं. ९/८ सन एम्पायर यांचे २०० चौरस फूट असे एकूण ५६० चौरस फूट क्षेत्र मोकळे करण्यात आल्याचे सांगण्यात आले.