लोकमत न्यूज नेटवर्क
पुणे : ज्या पुणेकरांनी लॉकडाऊनमध्ये मिळकतकर नियमित भरला असेल, त्यांच्यासाठी खूशखबर आहे. महापालिकेने या पुणेकरांसाठी निवासी मिळकतकरात १५ टक्के सवलत दिली आहे.
महापालिकेने सन २०२१-२२ च्या वर्षासाठी निवासी मिळकतकरात सरसकट १५ टक्के सवलत देऊ केली आहे़ १ एप्रिल, २०२१ ते ११ मे,२०२१ या दोन महिन्यांत मिळकतकर भरणाऱ्यांनाच ही कर सवलत लागू राहणार आहे़ महापालिका आयुक्तांनी आगामी वर्षाकरिता सुचविलेली ११ टक्के मिळकतकर करवाढ फेटाळतानाच, आगामी निवडणुकींच्या पार्श्वभूमीवर सत्ताधाऱ्यांसह सर्व पक्षांनी एकत्र येऊन सर्वसाधारण सभेत उपसूचनेद्वारे निवासी मिळकतकरात सवलत देत पुणेकरांना खूश केले आहे़ बड्या मिळकतकर थकबाकीधारकांसाठी अभय योजना राबवून त्यांना विविध सवलती दिल्या होत्या. तेव्हा प्रामाणिकपणे नियमित कर भरणाऱ्यांवर हा अन्याय असे बोलले जात हाेते. पण आता त्या नागरिकांना महापालिकेने सवलत देऊन आनंदी केली आहे.