प्रशासकीय यंत्रणा मतदानासाठी सज्ज

कामशेत ग्रामपंचायत निवडणुकीतील ७ मतदान केंद्रावर बुधवारी सकाळपासून मतदान होणार आहे. २९६९ पुरुष व २६७७ स्त्री एकुण ५,६४६ नागरिक

 वडगाव मावळ : कामशेत ग्रामपंचायत निवडणुकीतील ७ मतदान केंद्रावर बुधवारी सकाळपासून मतदान होणार आहे. २९६९ पुरुष व २६७७ स्त्री एकुण ५,६४६ नागरिक मतदानाचा हक्क बजावणार आहेत. यासाठी ४६ कर्मचारी नियुक्त केले आहे.मावळ तहसील महसुल भवन येथे मतदान इलेक्ट्रॉनिक व्होटिंग मशीन व इतर साहित्यांचे वाटप दुपारी दोनला केले. संवेदनशील मतदान केंद्र घोषित केले असुन कामशेतमध्ये १३६ सशस्त्र पोलीस तैनात करुन कडक बंदोबस्त ठेवल्याने छावणीने स्वरुप आले असुन दि. १९ व २० आॅगस्टला जमाव बंदी आदेश लागु झाला आहे. मतदारांनी कुठल्याही अफवा दबावाला बळी न पडता निर्भिडपणे मतदान करण्यासाठी बाहेर पडण्याचे आवाहन पोलीस उप अधीक्षक विनायक ढाकणे यांनी केले. गुरुवारी सकाळी १० ला मत मोजणी होणार असुन दि. १९ व २० आॅगस्ट रोजी जमाव बंदी आदेश लागू केला आहे. मतदारांनी कुठल्याही अफवा दबावाला बळी न पडता निर्भिडपणे मतदान करण्यासाठी बाहेर पडण्याचे आवाहन तहसीलदार शरद पाटील यांनी केले.कामशेत ग्रामपंचायत निवडणुकीच्या पंडित नेहरु विद्यालयातील ३ मतदान केंद्रात दि. ४ आॅगस्ट रोजी १०५३ पुरुष व १०५२ स्त्री एकुण २१०५ मतदारांनी मतदान केले. असुन बुधवारी सकाळी ७:३० ते सायंकाळी ५:३० वाजेपर्यंत मतदान करण्यात येणार आहे. (वार्ताहर)