तहसील कार्यालयातील सभागृहात सोमवारी सकाळी ११ वाजता उपविभागीय अधिकारी उमाकांत पारधी, तहसीलदार बालाजी शेवाळे, नायब तहसीलदार प्रशांत थारकर, गटविकास अधिकारी विष्णू मोरे आदींच्या उपस्थितीत आरक्षण सोडत काढण्यात आली. तालुक्यातील १० गावांचे सरपंच पद अनुसूचित जातीसाठी राखीव झाले आहे. ५ जागा महिलांसाठी राखीव आहेत. यामध्ये निपाण टाकळी, आडगाव दराडे, राजा, लाडनांद्रा,कुपटा, पिंप्री गोंडगे, धनेगाव, राजवाडी, मोरेगाव, पिंप्री बु या गावांचा समावेश आहे. २२ ग्रामपंचायतींचे सरपंच पद नागरिकांचा मागास प्रवर्गासाठी आरक्षित आहेत. यात करडगाव, भांगापूर, डासाळा, हातनुर, बोरकिन्नी, सेलवाडी, गोमेवाकडी, वालूर, निरवाडी खु, रायपूर, डिग्रस बु,खु, करजखेडा तर राधेधामणगाव, हिस्सी, तिडी पिंपळगाव, खैरी, जवळा जिवाजी, काजळी रोहीणा, ब्राम्हणगाव प्र.प, पिंप्रुळा, नांदगाव, कुडा कोलदंडी या ग्रामपंचायती महिलांसाठी आरक्षित आहेत. सर्वसाधारण महिलासाठी कान्हड, गिरगाव बु,चिकलठाणा बु, देऊळगाव, सिमणगाव, हादगाव खु, वाकी, वाई बोध, शिराळा, कन्हेरवाडी, गिरगाव खु, पिंपळगाव गोसावी, राजुरा, हट्टा, केमापूर, राव्हा, शिंदेटाकळी, बोरगाव जहागिर, खवणे पिंप्री, कुंडी, पिंप्री खु, ढेंगळी पिंपळगाव, गुळखंड आणि तळतुंबा या ग्रामपंचायतीचा समावेश आहे.
राजा, आडगावमध्ये पेच
तालुक्यातील राजा आणि आडगाव दराडे या ग्रामपंचायतींची नुकतीच निवडणूक झाली. या दोन्ही गावात अनुसूचित जातीसाठी प्रभागात एक-एक जागा आहे. या ठिकाणी दोन्ही पुरूष निवडून आले आहेत. सोमवारी मात्र दोन्ही गावांच्या सरपंचपदाचे आरक्षण अनुसूचित जाती महिलांसाठी सुटले आहे. दोन्ही गावात महिला नसल्याने मोठा पेच निर्माण झाला आहे.