नवनियुक्त पदाधिकाऱ्यांचा परभणीत सत्कार

परभणी जिल्हा वृद्ध कलावंत मानधन समितीच्या अध्यक्षपदी प्रा. डॉ. अशोक जोंधळे आणि सदस्यपदी संजय पांडे यांची निवड झाल्याबद्दल प्रताप देशमुख यांच्या हस्ते त्यांचा सत्कार करण्यात आला. तळागाळातील कलावंतांपर्यंत पोहोचून त्यांना पाठबळ देण्याचा प्रयत्न समितीच्या माध्यमातून केला जाईल, असे प्रा. डाॅ. जोंधळे यांनी यावेळी सांगितले. छत्रपती शिवाजी महाराज यांच्या जीवन कार्यावर आधारित शाहिरी गीत रेकॉर्डींगसाठी कार्य करीत असलेल्या शेख जावेद, नितीन शिर्के व त्यांच्या संचातील कलावंतांना ११ हजार रुपयांचा निधी प्रताप देशमुख यांनी प्रदान केला. याच कार्यक्रमात तालुका कार्यकारिणीच्या अध्यक्षपदी हरिभाऊ कदम, उपाध्यक्षपदी अशोक नरवडे, सरचिटणीसपदी रमेश गायकवाड, संघटन प्रमुख-प्रवीण इंगोले सहसंघटन प्रमुख संतोष गोंधळी, समन्वयक राहुल भराडे, प्रसिद्धी प्रमुख प्रेमकुमार लहाने, सदस्य रुस्तुम नरवडे आदींची निवड करण्यात आली.