पालिकेच्या स्थायी समित्या बिनविरोध

पालिका सभागृहात बुधवारी जिल्हा पुरवठा अधिकारी मंजूषा मुथा यांच्या अध्यक्षतेखाली निवडणूक प्रक्रिया पार पडली. यावेळी नगराध्यक्ष विनोद बोराडे, उपमुख्याधिकारी अक्षय पल्लेवाड यांची उपस्थिती होती. स्वच्छता आणि वैधक, सार्वजनिक आरोग्य समितीच्या सभापतिपदी उपनगराध्यक्ष प्रभाकर सुरवसे, महिला व बालकल्याण समितीच्या सभापती म्हणून कमलाबाई झमकडे, सार्वजनिक बांधकाम समितीच्या सभापतिपदी शेख कासीम, पाणीपुरवठा व जलनिस्सारण समितीच्या सभापती म्हणून उषा दौड तर शिक्षण, क्रीडा व सांस्कृतिक कार्य समितीचे सभापती म्हणून शेख रहीम यांची बिनविरोध निवड झाली आहे. स्थायी समितीमध्ये नगराध्यक्ष विनोद बोराडे पदसिद्ध अध्यक्ष असून, पाचही विषय समितीचे सभापती तसेच सदस्य म्हणून ऊर्मिला बोराडे, सुनीता चव्हाण, हेमंतराव आडळकर यांचा समावेश आहे.