निष्ठावंतांना शिवसेनेत न्याय : राहुल पाटील

परभणी येथील शिवसैनिक अभय कुलकर्णी यांची शिवसेना उद्योग सहकार सेनेच्या जिल्हा समन्वयकपदी नियुक्ती झाल्याबद्दल २२ जून रोजी शिवाजीनगर येथील आमदार संपर्क कार्यालयात त्यांच्या सत्कार कार्यक्रमाचे आयोजन करण्यात आले होते. यावेळी आ. पाटील बोलत होते. व्यासपीठावर जिल्हा सहसंपर्कप्रमुख डॉक्टर विवेक नावंदर, उपजिल्हाप्रमुख संजय गाडगे, अरविंद देशमुख, माजी शहरप्रमुख अनिल डहाळे, मनपा सदस्य चंदू शिंदे, प्रशांस ठाकूर आदी उपस्थित होते. आ. डॉ. पाटील म्हणाले की, शिवसेना हा एकमेव असा पक्ष आहे, जिथे निष्ठेने काम करणाऱ्या कार्यकर्त्यास एक ना एक दिवस न्याय मिळतोच. पक्षात कार्यकर्त्याच्या कार्याचे मूल्यमापन योग्य रितीने करून त्याच्यावर पदाची जबाबदारी टाकून सन्मान केला जातो, असेही ते म्हणाले. यावेळी डॉ. नावंदर, गाडगे, शाखाप्रमुख विजय खस्ते यांनीही मार्गदर्शन केले. यावेळी बाळराजे तळेकर, विशू डहाळे, अमोल गायकवाड, संभानाथ काळे, मारुती तिथे, राहुल खटिंग, दिलीप गिराम, स्वप्नील भारती, मनोज पवार, निखील जैन, विजय खिस्ते, मकरंद कुलकर्णी, रोहन कांबळे आदींची उपस्थिती होती.