ऑनलाइन लोकमत
कोलकाता, दि. १७ - टी-२० वर्ल्डकपमधील अफगाणिस्तान विरुद्ध अटीतटीच्या सामन्यात श्रीलंकेने सहा गडी राखून विजय मिऴविला. या सामन्यात अफगाणिस्ताने दिलेल्या २० षटकात १५३ धावांचा पाठलाग करताना फलंदाज तिलकरत्ने दिलशानच्या जोरावर श्रीलंकेने १८.५ षटकात १५५ धावा करुन अफगाणिस्तानवर मात केली.
श्रीलंकेचा धडाकेबाज फलंदाज तिलकरत्ने दिलशानने या सामन्यात सर्वाधिक जास्त धावा केल्या. तिलकरत्ने दिलशानने नाबाद ५६ चेंडूत ८ चौकारांसह तीन षटकार लगावत ८३ धावा केल्या. दिनेश चंडीमल (१८), चमारा कापुगेदरा(१०), थिसारा परेरा १२ धावा काढून धावचीत झाला, तर लिहिरु थिरिमन्ने अवघ्या सहा धावांवर बाद झाला.
अफगाणिस्तान गोलंदाज मोहम्मद नबी आणि रशिद खान यांनी प्रत्येकी एक बळी घेतला, तर फलंदाज असगर स्टानिकजाइ याने ६२ धावांची खेळी केली, मात्र ती फोल ठरली. नूरअली जदरानने २० धावा केल्या, तर समीउल्लाह शेनवारीने ३१ धावा केल्या.