सेरेना, जोकोविच, मरे सुसाट

सर्बियाचा नोव्हाक जोकोविच, ब्रिटनचा अँडी मरे, अमेरिकेची सेरेना विल्यम्स, बेलारूसची व्हिक्टोरिया अझारेंका यांनी यूएस ओपन टेनिस स्पर्धेत विजयी घोडदौड कायम राखताना उपांत्यपूर्व फेरीत प्रवेश केला़

न्यूयॉर्क : सर्बियाचा नोव्हाक जोकोविच, ब्रिटनचा अँडी मरे, अमेरिकेची सेरेना विल्यम्स, बेलारूसची व्हिक्टोरिया अझारेंका यांनी यूएस ओपन टेनिस स्पर्धेत विजयी घोडदौड कायम राखताना उपांत्यपूर्व फेरीत प्रवेश केला़ मात्र पुरुष एकेरीत फ्रान्सचा विल्फ्रेड त्सोंगा आणि कॅनडाच्या मिलोस राओनिक यांना स्पर्धेतून बाहेरचा रस्ता धरावा लागला़ 

जोकोविचने आपला विजयी फॉर्म कायम रखाताना पुरुष एकेरीच्या चौथ्या फेरीच्या सामन्यात जर्मनीच्या फिलिप कोलश्रेबरचा सरळ सेटमध्ये 6-1, 7-5, 6-4 असा सहज पराभव करून आगेकूच केली़ पुरुष गटातील अन्य लढतीत ब्रिटनच्या अँडी मरेने फ्रान्सच्या त्सोंगावर 7-5, 7-5, 6-4 अशी मात कररून अंतिम 8 खेळाडूंत जागा निश्चित केली़ 2क्12मध्ये विम्बल्डन चॅम्पियन राहिलेल्या मरेने वर्षात पहिल्यांदाच अव्वल 1क् खेळाडूंत समावेश असलेल्या टेनिसपटूविरुद्ध विजय मिळविला आह़े दरम्यान, स्पर्धेची उपांत्य फेरी गाठण्यापूर्वी अंतिम 8 खेळाडूंत मरेला नोव्हाक जोकोविचचा सामना करावा लागेल़ महिला गटातील एकेरी सामन्यात अमेरिकेच्या सेरेनाने लौकिकाला साजेसा खेळ करताना एस्तोनियाच्या काईना कानेपीला 6-2, 6-3 अशी सहज धूळ चारताना उपांत्यपूर्व फेरी गाठली़ 16वे मानांकन प्राप्त बेलारूसच्या व्हिक्टोरिया अझारेंकाने सर्बियाच्या एलेक्सांद्रा क्रुनिकवर 4-6, 6-4, 6-4 अशी सरशी साधताना थाटात उपांत्यपूर्व फेरीत प्रवेश केला़ स्वित्ङरलडच्या स्टेनिसलास वावरिंकानेही अंतिम 8 खेळाडूंत स्थान मिळविले आह़े त्याने स्पेनच्या टॉमी रॉबरेडोचा 7-5, 4-6, 7-6, 6-2 असा पराभव केला़ जपानच्या केई निशिकोरी याने कॅनडाच्या मिलोस राओनिकवर 4-6, 7-6, 6-7, 7-5, 6-4 असा विजय मिळविला़ महिला गटातील चौथ्या फेरीत कॅनडाची इयुजिनी बुकार्ड हिला रशियाच्या एकातेरिना मकारोव्हाकडून 7-6, 6-4 अशी मात खावी लागली़ इटलीच्या फ्लाविया पेनेटा हिने ऑस्ट्रेलियाच्या कासी डैलेकुआचा 7-5, 6-2 असा पराभव करून अंतिम 8 खेळाडूंत स्थान मिळविल़े (वृत्तसंस्था)