ऑनलाइन लोकमत
मुंबई, दि. ७ - माजी क्रिकेटपटू विनोद कांबळी याने पाकिस्तान क्रिकेट संघाचा प्रशिक्षक म्हणून काम करण्यात तयार असल्याचे ट्विट केलं आहे.
सध्या पाकिस्तान क्रिकेट संघाच्या प्रशिक्षकपदावरुन वकार युनूस पायउतार झाला असून त्याची जागा अद्याप रिक्त आहे. या जागेसाठी पाकिस्तान क्रिकेट बोर्डाची शोधाशोध सुरु आहे. त्यातच भारताचा माजी क्रिकेटपटू विनोद कांबळी यांनी पाकिस्तान क्रिकेट संघाचा प्रशिक्षक म्हणून पाकिस्तान क्रिकेट बोर्डाने आपला विचार करावा, असे ट्विट केलं आहे.