ऑनलाइन टीम
रिओ दे जेनेरिओ, दि. १९ - चिलीने स्पेनचा २-० असा पराभव करत स्पेनला स्पर्धेबाहेर घालवले आहे. पहिल्यापासूनच आक्रमक खेल करणा-या चिलीच्या वर्गासने १९ व्या मिनिटाला गोल करून प्रेक्षकांना आश्चर्याचा धक्का दिला. अनेक प्रयत्न करूनही स्पेनच्या खेळाडूंना गोल करता आला नाही. नेहमी आक्रमक पवित्र्यात असणा-या स्पेनच्या संघाने चिली पुढेशरणागती पत्करल्याचे त्यांच्या खेळातून दिसून येत होते. ४३ व्या मिनिटाला अरंगेने ने गोल करत स्पेनच्या प्रेक्षकांना हादरा दिला आणि आपल्या विजयावर शिक्कामोर्तब केला. मध्यंतरापूर्वी २-० अशी आघाडी घेतलेल्या चिलीने मध्यंतरानंतरही चांगला खेळ करत स्पेनला एकही गोल न करू दिल्याने गतविजेत्या स्पेनवर पराभवासोबतच स्पर्धेबाहेर जाण्याची नामुष्की ओढवली.