ऑनलाइन लोकमत
राजकोट, दि. 5 - भारतीय कसोटी संघाचा कर्णधार विराट कोहलीने आपला 28वा वाढदिवस अनुष्कासोबत साजरा केला. यावेळी त्याचे संघातील खेळाहूडी उपस्थित होते. इंग्लंडविरुद्ध पहिल्या कसोटीसाठी भारतीय संघाचे आज सकाळी येथे आगमन झाले तेव्हा कोहलीसोबत अनुष्का देखील होती. विमानतळाहून दोघेही थेट हॉटेलकडे रवाना झाले.
उजव्या हाताने आक्रमक फलंदाजी करणारा कोहली क्रिकेट विश्वातील लोकप्रिय चेहरा बनला आहे. मैदान आणि मैदानाबाहेर कोट्यवधी चाहत्यांच्या हृदयात स्थान मिळविणाºया विराटने वन डे क्रिकेटमध्ये श्रीलंकेविरुद्ध १८ ऑगस्ट २००८ रोजी पदार्पण केले होते. पहिला कसोटी सामना त्याने वेस्ट इंडिजविरुद्ध २० जून २०११ रोजी खेळला. त्याच्या दमदार फलंदाजीमुळे महेंद्रसिंग धोनी याने २०१४ मध्ये कसोटी क्रिकेटमधून निवृत्ती जाहीर करताच भारतीय कसोटी संघाचे नेतृत्व सोपविण्यात आले होते.
कोहलीने ४८ कसोटीत आतापर्यंत दोन द्विशतके आणि १३ शतके झळकविली आहेत. त्याने सर्वोत्कृष्ट २११ धावा अलीकडेच न्यूझीलंडविरुद्ध इंदूरमध्ये ठोकल्या होत्या. भारतीय संघ कसोटी क्रमवारीत नुकताच अव्वल स्थानावर आला. याचे बºयाचंशी श्रेय जाते ते विराटला! आयसीसीने भारतीय संघाचा कर्णधार या नात्याने कोहलीकडे नुकतील ‘टेस्ट गदा’ सोपविली होती. वन डे क्रिकेटमध्ये कोहलीची दिग्विजयी पताका फडकतच राहिली. त्याने १७६ वन डेत २६ शतके आणि ३८ अर्धशतके ठोकली. कोहलीची वन डेत सर्वोत्कृष्ट खेळी १८३ धावा अशी आहे. त्याने १८ मार्च २०१२ रोजी पाकिस्तानविरुद्ध ढाका येथे ही खेळी केली होती. टी-२० क्रिकेटमध्ये विराटने चाहत्यांसाठी एकाहून एक शानदार खेळी केल्या. त्याने ४५ टी-२० मध्ये १८५७ धावा केल्या असून त्यात १६ अर्धशतकांचा समावेश आहे. टी-२० त त्याची सर्वोच्च खेळी आहे ९० धावांची! कारकीर्दीत शिखर सर करीत असलेला विराट चाहत्यांच्या मानवरही अधिराज्य गाजवित आहे. तो जाहिरातींचा प्रसिद्ध चेहरा आणि अनेक मोठ्या ब्रॅण्ड्सचा ‘ब्रॅण्ड अ‍ॅम्बेसिडर’ आहे. अनुष्कासोबतच्या प्रेमसंबंधांमुळे मैदानाबाहेर तो नेहमी चर्चेत राहतो, हे विशेष.