- नामदेव मोरेनवी मुंबई : शहरामध्ये कोरोनाने हाहाकार माजविला आहे. १२ दिवसांमध्ये तब्बल १० हजार २४३ रुग्ण वाढले असून फक्त ४,६९१ जण बरे झाले आहेत. आरोग्य विभागावरील ताण वाढला असून रुग्णालयांमध्ये आयसीयू व व्हेंटीलेटर्स विभागात जागा मिळेना झाली आहे. मृत्यूचा आकडाही वाढू लागला आहे. नवी मुंबईमध्ये कोरोनाची दुसरी लाट धोकादायक ठरली आहे. सर्वच विभागांमध्ये झपाट्याने रुग्ण वाढत आहेत. प्रादुर्भाव रोखण्याचे आव्हान आरोग्य विभागासमोर उभे राहिले आहे. ३ एप्रिलपासून प्रतिदिन १ हजार पेक्षा जास्त रुग्ण वाढत आहेत. २५ मार्चपासून शहरात तब्बल १०,२४३ रुग्ण वाढले आहेत. या तुलनेमध्ये रुग्ण बरे होण्याचे प्रमाण अत्यंत कमी आहे. दहा दिवसांमध्ये ४,६९१ जणच बरे झाले आहेत. उपचार घेणाऱ्या रुग्णांची संख्या वाढून ९,१५४ झाली आहे. रुग्णालयांमध्ये जागा कमी असल्यामुळे जास्त लक्षणे नसणा-यावर घरामध्येच उपचार सुरू केले आहेत. रुग्ण दुप्पट होण्याचा कालावधीही कमी होऊ लागला आहे. जानेवारीमध्येे दुपटीचा कालावधी ६०० दिवसांवर गेला होता. तो कमी होऊन ५२ दिवसांवर आला असून त्यामुळे आरोग्य विभागाचीही चिंता वाढली आहे. दोन महिन्यापूर्वी प्रतिदिन १ किंवा २ जणांचा मृत्यू होत होता. काही वेळा मृत्यृची संख्या शून्यावर आली होती. परंतु मागील १० दिवसांमध्ये ३३ जणांचा मृत्यू झाला आहे. कोरोनाची साखळी खंडित करण्यासाठी महानगरपालिकेने विविध उपाययोजना सुरू केल्या आहेत. परंतु अनेक नागरिक नियमांचे पालन करत नाहीत. नियमांचे उल्लंघन करणा-यामुळे प्रादुर्भाव झपाट्याने वाढत आहे.दहा दिवसांमधील काेरोनाची स्थितीतारीख रूग्ण कोरोनामुक्त२५ मार्च ६८१ १५९२६ मार्च ६१० २७३२७ मार्च ७७० २६७२८ मार्च ७१७ २४७२९ मार्च ४९२ ३१३३० मार्च ६९० ३६८३१ मार्च ५५४ ३७११ एप्रिल ९७१ ४०३२ एप्रिल ९७७ ४७२३ एप्रिल १२०५ ६२७४ एप्रिल १४४१ ५१८५ एप्रिल ११३५ ६७३विभागवार सक्रिय रुग्णांचा तपशीलविभाग रुग्णबेलापूर १७०१ऐरोली १३८१नेरुळ १४५५कोपरखैरणे १२५६वाशी १२२८तुर्भे ९८३घणसोली ९१८दिघा २३२
CoronaVirus News: १२ दिवसांमध्ये नवी मुंबईत वाढले १० हजार रुग्ण
By लोकमत न्यूज नेटवर्क | Updated: April 7, 2021 01:55 IST