ऑनलाइन लोकमत
बीजिंग, दि. १४ - खेळता खेळता वडीलांचा पाय घसरून ते अंगावर पडल्याने एका चिमुकल्याचा मान मोडून मृत्यू झाल्याची दुर्दैवी घटना चीनमध्ये घडली आहे. या घटनेचा व्हिडीओ सध्या प्रचंड व्हायरल झाला असून त्या चिमुकल्याच्या मृत्यूमुळे हळहळ व्यक्त होत असून सर्वांसाठी एक सावधानतेचा इशाराही ठरत आहे.
एक इसम आपल्या छोट्या मुलासह सुपरमार्केटमध्ये खरेदी करण्यास आलेला या व्हिडीओत दिसत आहे. खरेदीदरम्यान ते एकमेकांशी खेळत होते. तो चिमुकला वडिलांच्या मागे उभाराहून त्यांच्याशी खएळत असतानाच त्याच्या वडिलांचा पाय घसरला व ते त्याच्या अंगावर पडले. सुपर मार्केटमधील इतरांनी लगेच धाव घेऊन त्या इसमाला सावरले आणि उभे केले खरे. पण वडिलांचे वजन अंगावर पडल्याने त्या चिमुकल्याची मान मोडली. त्याच्या वडिलांना त्याला त्तकाळ रुग्णालयात दाखल केले, मात्र तोपर्यंत खूप उशीर झाला होता. डॉक्टरांनी त्या मुलाला मृत घोषित केले.