ऑनलाइन लोकमत
नवी दिल्ली, दि. 18 - केंद्रीय पर्यावरण व वनमंत्री अनिल माधव दवे यांचे निधन झाले आहे. ते 60 वर्षांचे होते. प्रकृती अस्वास्थ्यामुळे दवे यांना रात्री उशीरा नवी दिल्लीतील एस्म हॉस्पिटलमध्ये दाखल करण्यात आले. उपचारादरम्यानच त्यांनी एम्स हॉस्पिटलमध्ये अखेरचा श्वास घेतला. हृदयविकाराच्या झटक्यानं त्यांचं निधन झाल्याची माहिती आहे. मिळालेल्या माहितीनुसार गेल्या काही दिवसांपासून दवेंची प्रकृती ठिक नव्हती.
नर्मदा नदीच्या बचावासाठी अनिल माधव दवे यांनी खूप काम केले आहे. त्यांनी पर्यावरणाच्या जतनीकरणासाठी अनेक पुस्तकंही लिहिली आहेत. लोकसभा निवडणुकीपूर्वी दवे यांनी छत्रपती शिवाजी महाराज यांच्यावरही पुस्तक लिहिले होते. दरम्यान, पर्यावरण मंत्रालयाचा पदभार स्वीकारल्यानंतर त्यांना एक वर्षही पूर्ण झाले नव्हते.
अनिल माधव दवे यांच्या निधनाच्या वृत्तावर पंतप्रधान नरेंद्र मोदी यांनी शोक व्यक्त केला आहे. ""माझ्या मित्राच्या अचानक झालेल्या निधनामुळे धक्का बसला आहे. दवे पर्यावरणाचे जतन करण्याच्या दिशेने प्रचंड उत्साही पद्धतीनं कार्य करत होते. काल संध्याकाळी उशीरापर्यंत आम्ही महत्त्वाच्या धोरणांवर एकत्रित चर्चा करत होतो. त्यांच्या निधनामुळे माझे वैयक्तिक नुकसान झाले आहे"", अशी ट्विट पंतप्रधान नरेंद्र मोदी यांनी केले आहे.
Union Environment Minister Anil Madhav Dave passes away pic.twitter.com/Qv3UYoyIIS— ANI (@ANI_news) May 18, 2017
Absolutely shocked by the sudden demise of my friend & a very respected colleague, Environment Minister Anil Madhav Dave ji. My condolences.— Narendra Modi (@narendramodi) May 18, 2017
Anil Madhav Dave ji will be remembered as a devoted public servant. He was tremendously passionate towards conserving the environment.— Narendra Modi (@narendramodi) May 18, 2017
I was with Anil Madhav Dave ji till late last evening, discussing key policy issues. This demise is a personal loss.— Narendra Modi (@narendramodi) May 18, 2017