ऑनलाइन लोकमत
लखनौ, दि. 20 - भाजपाचे उत्तर प्रदेशमधील उपाध्यक्ष दयाशंकर सिंह यांनी मायावतींची तुलना शरीर विक्रय करणाऱ्या महिलांशी केली आहे. उत्तर प्रदेशमध्ये लवकरच निवडणुका होणार असून वातावरण तापायला सुरुवात झाली आहे. मायावती पैसे घेऊन तिकिटं वाटत असल्याचा आरोप दयाशंकर सिंह यांनी केला आहे. सकाळी एक कोटी रुपये देणाऱ्याला तिकिट दिलं जातं, दुपारी एखादा दोन कोटी घेऊन आला, तर त्याला तिकिट दिलं जातं आणि संध्याकाळी तीन कोटी रुपये देणारा मिळाला तर आधीच्यांचे पत्ते कापून तिसऱ्याला तिकिट दिलं जातं असं सिंह यांनी म्हटलं आहे. यापुढे जात आजच्या घडीला मायावतींची अवस्था शरीर विक्रय करणाऱ्या महिलांएवढी वाईट झाल्याचा शेराही त्यांनी लगावला आहे.
मायावतींनी या वक्तव्याकडे भाजपाची पराभूत स्थिती या दृष्टीने बघितले आहे. उत्तर प्रदेशमध्ये बहुजन समाज पार्टीची वाढती ताकद आणि असलेला जनाधार बघून भाजपाच्या नेत्यांची अवस्था सैरभैर झाली असल्यामुळे अशी भाषा वापरली जात असल्याचे मायावती म्हणाल्या आहेत.
दरम्यान, दयाशंकर सिंह काय म्हणाले आपण ऐकलं नसून, त्यांनी जर काही आक्षेपार्ह विधान केलं असेल तर त्याबाबत योग्य तो निर्णय घेतला जाईल अशी प्रतिक्रिया उत्तर प्रदेशमधील भाजपा अध्यक्ष केशव मौर्य यांनी दिली आहे.
WATCH: UP BJP VP Dayashankar Singh uses derogatory language against BSP Chief Mayawati, compares her to a prostitutehttps://t.co/vic0uDhbkq— ANI UP (@ANINewsUP) July 20, 2016
These kind of derogatory statements show that BJP is frustrated with the growing public support for BSP: Mayawati pic.twitter.com/oOxu4DnCLy— ANI UP (@ANINewsUP) July 20, 2016
I don't know what he(Dayashankar) has said. If anything objectionable is found, party will deliberate on it:BJP UP party chief Keshav Maurya— ANI UP (@ANINewsUP) July 20, 2016