ऑनलाइन लोकमत
नवी दिल्ली, दि. 11 - उत्तर प्रदेश आणि उत्तराखंडमध्ये भाजपाने मिळवलेला बंपर विजय आणि मणिपूरमधील चांगल्या कामगिरीनंतर पंतप्रधान नरेंद्र मोदी यांनी ट्विटरवरून देशवासियांचे आणि मतदारांचे आभार मानले आहेत.
मोदी ट्विटरवर म्हणाले की, "आमच्यावर विश्वास कायम ठेवून भाजपावर विश्वास ठेवल्याबद्दल देशातील जनतेचे मनापासून आभार. उत्तर प्रदेशमधील जनतेचेही मनापासून आभार. भाजपाचा हा विजय ऐतिहासिक आणि सुशासनाचा आहे. " यावेळी काशीच्या जनतेचेही मोदींनी खास आभार मानले आहेत. काशीतील जनतेचे प्रेम मिळवून मी धन्य झालो आहे, असे ते म्हणाले.
उत्तर प्रदेशबरोबरच उत्तराखंडमध्येही भाजपाला घवघवीत यश मिळाले आहे. त्यामुळे उत्तराखंडमधील जनतेचेही मोदींनी आभार मानले आहेत. उत्तराखंडमधील विजय खास आहे. देवभूमीतील जनतेचे आभार, आता भाजपा येथील जनतेच्या विकासासाठी मनापासून प्रयत्न करू, असे मोदी म्हणाले.
मैं उत्तर प्रदेश की जनता को हृदय से धन्यवाद देता हूं। भाजपा की ये ऐतिहासिक जीत विकास और सुशासन की जीत है।— Narendra Modi (@narendramodi) March 11, 2017
काशी के सांसद के रूप में काशी की जनता का अटूट विश्वास और अपार प्रेम पाकर मैं आज अभिभूत हूं। काशी के लोगों को शत-शत नमन।— Narendra Modi (@narendramodi) March 11, 2017
उत्तराखंड की जीत बेहद खास है। देवभूमि के लोगों का आभार। मैं विश्वास दिलाता हूं कि भाजपा पूरी तत्परता और कमर्ठता से लोगों की सेवा करेगी।— Narendra Modi (@narendramodi) March 11, 2017