पोलीस भरती प्रक्रीया २९ मार्चपासून

जळगाव: जिल्हा पोलीस दलाच्या आस्थापनेवरील ६२ जागांसाठी २९ मार्च ते १८ एप्रिल या कालावधित भरती प्रक्रीया राबविण्यात येणार आहे. उमेदवारांना ई-मेल व एसएमसद्वारे प्रवेशपत्र पाठविले जाणार असल्याची माहिती उपअधीक्षक महारु पाटील (गृह) यांनी दिली. भरती प्रक्रीयेसाठी नमूद तारीख व वेळी उमेदवारांनी आवश्यक कागदपत्रासह उपस्थित राहावे. सर्व प्रमाणपत्र ४ मार्च २०१६ पर्यंतच असणे आवश्यक आहे. ही भरती पारदर्शकपणे होणार असून गैरप्रकार करणार्‍यांवर कारवाई केली जाणार आहे, असा प्रकार लक्षात आल्यावर उमेदवारांनी पोलीस अधीक्षकांना भेटावे असे पाटील यांनी कळविले आहे.