ऑनलाइन लोकमत
मुंबई, दि. ४ - पर्यटनासाठी ऑस्ट्रेलियात जाणा-या भारतीयांची संख्या मोठया प्रमाणात वाढली आहे. २०१५ मध्ये भारतातून ऑस्ट्रेलियात जाणा-या पर्यटकांच्या संख्येत १८.६ टक्के वाढ झाली.
२०१४ भारतातून १ लाख ९७ हजार पर्यटकांनी ऑस्ट्रेलियाला भेट दिली होती. २०१५ मध्ये हाच आकडा वाढून २ लाख ३३ हजार १०० आहे. टुरिजम ऑस्ट्रेलियाच्या आकडेवारीतून ही माहिती समोर आली आहे.
यावर्षी अडीचलाखापेक्षा जास्त भारतीयांना ऑस्ट्रेलियात आणण्याचे लक्ष्य टुरिजम ऑस्ट्रेलियाने ठेवले आहे. मागच्यावर्षी १ लाख ५८ हजार ५०० भारतीय पर्यटनासाठी ऑस्ट्रेलियात आले होते.
२६,४०० व्यवसायासाठी, १४८०० शिक्षणासाठी आणि ३३५०० अन्य कारणासाठी ऑस्ट्रेलियात आले होते. भारतीय पर्यटकांच्या वाढत जाणा-या संख्येचा ऑस्ट्रेलियन अर्थव्यवस्थेला फायदा होत आहे.