भारतीय अर्थव्यवस्था देशात सर्वाधिक डिजिटल होण्याच्या मार्गावर- मोदी

भारतीय अर्थव्यवस्था जगभरात सर्वाधिक डिजिटल होण्याच्या मार्गावर आहे.

ऑनलाइन लोकमतनवी दिल्ली, दि. 10 - भारतीय अर्थव्यवस्था जगभरात सर्वाधिक डिजिटल होण्याच्या मार्गावर आहे. सरकारनं अर्थव्यवस्थेत अनेक सुधारणा केल्या आहेत. त्यामुळे व्यवसाय करण्यासाठी येणा-या अडचणी दूर झाल्या आहेत, असं वक्तव्य पंतप्रधान नरेंद्र मोदींनी केलं आहे. गुजरातची राजधानी गांधीनगरमध्ये सुरू असलेल्या व्हायब्रंट गुजरात जागतिक शिखर संमेलनात ते बोलत होते. यावेळी मोदींचा कुर्ता आणि मोदी जॅकेट विकण्यासाठी लावलेल्या स्टॉलनं सर्वांचं लक्ष वेधून घेतलं होतं. भारतीयांसोबतच अनेक विदेशी प्रतिनिधींनाही या दुकानांनी आकर्षिक केलं आहे. मोदी कुर्त्याची किंमत 1595 रुपये असून, मोदी जॅकेट 5900 रुपयांना विकण्यासाठी ठेवण्यात आलं आहे. मोदी म्हणाले, जागतिक अर्थव्यवस्थेत भारत हा चमकता तारा आहे. जागतिक मंदीतही भारताने चांगली प्रगती केली आहे. भारत हा जगातला सर्वात मोठा उत्पादक देश बनला आहे. मेक इन इंडिया हा भारताचा आतापर्यंतचा सर्वात मोठा ब्रँड बनला आहे. भारताच्या अर्थव्यवस्थेत बदल करणं हे आमचं प्राथमिक कर्तव्य आहे.