पाणपोईचे उद्घाटन

तळेगाव ढमढेरे : युवकाने सुरूकेलेल्या पाणपोईची प्रेरणा सामाजिक संस्थांनी घेऊन ठिकठिकाणी सुरूकेल्यास तहानलेल्यांची तहान भागल्यामुळे समाधान मिळेल, असे प्रतिपादन श्रीनाथ म्हस्कोबा कारखान्याचे अध्यक्ष पांडुरंग राऊत यांनी केले.
कडाक्याचा उन्हाळा जाणवू लागल्याने येथील राजेंद्र केदारी या युवकाने तळेगाव ढमढेरे (ता. शिरूर) येथील एस. टी. स्टँड चौकात सामाजिक बांधिलकीच्या नात्याने पाणपोई सुरू केली आहे. याचे उद्घाटन राऊत यांच्या हस्ते झाले. या वेळी सरपंच अनिल भुजबळ, तंटामुक्तीचे अध्यक्ष रमेश भुजबळ, माजी सरपंच विजय भुजबळ, शिक्रापूर ग्रामपंचायत सदस्य रमेश भुजबळ, पंढरीनाथ गायकवाड, ज्ञानेश्वर गायकवाड, अशोक राऊत, सुभाष भुजबळ, अर्जुन तोडकर, प्रभाकर ढमढेरे, संदीप दरवडे, वसंत भुजबळ आदी मान्यवर उपस्थित होते.

फोटोओळी : तळेगाव ढमढेरे येथे पाणपोईचे उद्घाटन पांडुरंग राऊत यांच्या हस्ते करण्यात आले. या वेळी सरपंच अनिल भुजबळ, तंटामुक्तीचे अध्यक्ष रमेश भुजबळ आदी मान्यवर.
०००००