ऑनलाइन लोकमत
हैदराबाद, दि. १७ - लिफ्टमध्ये अडकून एका तीन वर्षीय चिमुरडीचा मृत्यू झाल्याप्रकरणी पोलिसांनी शाळेच्या मुख्याध्यापकाला अटक केली आहे. हैदराबादमधील दिलखुशनगर येथील श्री चैतन्य शाळेत शिकणा-या सईदा झैनाब या चिमुकलीचा मंगळवारी सकाळी मृत्यू झाला. सईदा ही लिफ्टमधून आपल्या शिक्षिकेसह तळमजल्यावरून तिस-या मजल्यावर जात असताना पाय घसरला ती लिफ्टमधअये पडली आणि तिचा पाय लिफ्टच्या ग्रीलमध्ये अडकला. त्याचवेळेस लिफ्ट सुरू झाल्याने सईदा चिरडली गेली व तिचा जागीच मृत्यू झाला.
या घटनेची माहिती मिळाल्यानंतर सईदाच्या आईवडीलांसह इतर पालकांनी शाळेसमोर उग्र निदर्शने केली. त्यानंतर पोलिसांनी शाळेच्या मुख्याध्यापकांना अटक केली.