इस्लामाबाद : पाकिस्तानातील विरोधी पक्षनेते इम्रान खान यांनी आज पंतप्रधान नवाज शरीफ यांच्या निवासस्थानी आपल्या हजारो समर्थकांसह घुसण्याचा इशारा दिला, तर मौलवी ताहिर उल कादरी यांनी निदर्शकांना संसदेला घेराव घालण्यास सांगितले. दरम्यान, लष्कराने महत्त्वाच्या इमारतींचे पावित्र्य राखले गेले पाहिजे, असे म्हटले.
निदर्शकांच्या दबावामुळे नवाज शरीफ यांनी इम्रान खान यांना भेटण्याचा निर्णय आज घेतला. शरीफ यांच्या सरकारच्या बरखास्तीची मागणी निदर्शक करीत आहेत. देशासाठी नवाज शरीफ इम्रान खान यांना
भेटणार आहेत, असे शरीफ यांचे निकटवर्ती व रेल्वेमंत्री ख्वाजा साद रफिक यांनी टि¦ट केले आहे. तथापि, त्यांनी भेटण्याचा दिवस सांगितलेला नाही.
इम्रान खान यांनी आक्रमक भूमिकाही सोडलेली नाही. त्यांनी टि¦टरवर म्हटले आहे की, आम्ही आज रात्री (बुधवारी) डी चौकात (रेड झोनमध्ये पार्लमेंट हाऊस, पंतप्रधानांचे व अध्यक्षांचे निवासस्थान, सर्वोच्च न्यायालय व विविध देशांचे दूतावास आहेत) आझादी (स्वातंत्र्य) साजरी करणार आहोत. सर्व पाकिस्तानी नागरिकांनी येथे येऊन सगळे अडथळे तोडावेत, बेकायदेशीरपणो डांबून ठेवलेल्या लोकांना सोडून द्यावे, अन्यथा आम्ही शिक्षा करू, असा इशाराही खान यांनी पोलिसांना त्यात दिला आहे. खान यांच्या पक्षाने सरकारशी वाटाघाटी करण्याची तयारी दाखविली होती, असे उपाध्यक्ष शाह महेमूद कुरेशी यांनी ‘डॉन न्यूज’ला सांगितल्यानंतर खान यांनी हा इशारा दिला आहे. दरम्यान, महत्त्वाच्या इमारतींचे पावित्र्य राखा, असे पाकिस्तानी लष्कराने म्हटले असल्याच्या पाश्र्वभूमीवर राजधानीतील पेचात लष्कर तर हस्तक्षेप करणार नाही ना, अशी भीती व्यक्त होत आहे. (वृत्तसंस्था)
4इस्लामाबाद : पंतप्रधान नवाज शरीफ यांच्या राजीनाम्याची मागणी करणा:या निदर्शनांविरुद्ध दाखल याचिकेवर सुनावणी करताना पाकिस्तानच्या सर्वोच्च न्यायालयाने विरोधी पक्षनेते इम्रान खान आणि मौलवी ताहिर उल कादरी यांना बुधवारी समन्स बजावले.
4लाहोर उच्च न्यायालयाच्या मुल्तान वकील संघाने ही याचिका दाखल केली आहे. खान व कादरी यांना बेकायदेशीर कृत्य करण्यापासून तसेच प्रवेश निषिद्ध भागात प्रवेश करण्यापासून रोखण्याची मागणी या याचिकेत करण्यात आली आहे. सर्वोच्च न्यायालयाने तेहरिक ए इन्साफचे अध्यक्ष इम्रान खान आणि पाकिस्तान अवामी तहरिकचे प्रमुख कादरी यांना नोटिसा बजावत सुनावणी उद्यार्पयत तहकूब केली.
मौलवी ताहिर ऊल कादरी आणि इम्रान खान यांनी इस्लामाबादेत बुधवारी आपल्या समर्थकांसह नवाज शरीफ सरकारच्या हकालपट्टीसाठी निदर्शने केली. दंगल नियंत्रित करणा:या पोलिसांनी घटनास्थळी बंदोबस्त ठेवला होता.