शिवसेनेच्या नगर शहरप्रमुखावर गोळीबार ----------------

कोपरगाव (अहमदनगर) : शिवसेनेचे शहरप्रमुख भरत मोरे व साजीद पठाण यांच्यावर सोमवारी रात्री अज्ञात इसमांनी गोळीबार केला़ सुदैवाने हल्ल्यात दोघेही बचावले़
मोरे यांनी वाळू तस्करांनी गोळीबार केल्याचा संशय व्यक्त केला आहे. मोरे यांनी कोपरगावमधील वाळूची अवैध वाहतूक बंद करण्याची मागणी तहसीलदारांकडे केली होती़ सोमवारी रात्री मोरे व पठाण नगर-मनमाड रस्त्यावरील एका हॉटेलमधून जेवण करून कोपरगावकडे येत होते़ टाकळीनाक्यावर दोन मोटार सायकलवरून चार जण अचानक समोर आले़ एकाने लाकडी दांडका काचेवर मारला तर दुसर्‍याने बंदुकीतून तीन गोळ्या झाडल्या़ सुदैवाने त्यातील गोळी त्यांना लागली नाही. घटनेनंतर कारला झालेल्या अपघातात मोरे व पठाण किरकोळ जखमी झाले. दोघांनाही खासगी रूग्णालयात दाखल करण्यात आले आहे. हल्लेखोर वेगवेगळ्या दिशेने पळून गेले़ गोळीबार प्रकरणी तीन संशयितांना ताब्यात घेतल्याची माहिती जिल्हा पोलीस प्रमुख सौरभ त्रिपाठी यांनी दिली. (प्रतिनिधी)
------------------