ऑनलाइन लोकमत
रांची, दि. ८ - मानवरहित रेल्वे क्रॉसिंगवर हावडा-भोपाळ एक्स्प्रेस ट्रेनची एका कारला धडक बसून झालेल्या भीषण अपघातात १३ जण ठार झाले आहे. झारंखडमधील रामगड जिल्ह्यातील भुरकुंडा स्थानकाजवळ हा दुर्दैवी अपघात घडला.
पोलिसांनी दिलेल्या माहितीनुसार, पत्रातू पोलिस स्थाकजावळ हा अपघात घडला. या दुर्दैवी घटनेत १३ जण मृत्यूमुखी पडले असून त्यात ५ लहान मुलांचाही समावेश आहे. अपघाताचे वृत्त कळताच अधिका-यांनी घटनास्थळी धाव घेतली. जखमींवर जवळच्या रुग्णालयात उपचार सुरू आहेत.