संक्षीप्त

म्यानमार हद्दीतील कारवाईबद्दल भारतीय लष्कराचे स्वागत
अकोला : भारतीय लष्कराने नुकतीच म्यानमार हद्दीत शिरून दहशतवाद्यांचा खात्मा केला. त्या आनुषंगाने मास्टर पावर सामाजिक विचार मंचतर्फे जिल्हा सैनिक कार्यालयातील अधिकार्‍यांचे स्वागत करण्यात आले.
--------------------
बेरोजगार युवकांच्या कार्यशाळेचा समारोप
अकोला : जिल्हा क्रीडा अधिकारी कार्यालय व अल्पसंख्याक महिला विकास बहुउद्देशीय संस्था यांच्या संयुक्त विद्यमाने आयोजित बेरोजगार युवकांच्या कार्यशाळेचा समारोप मान्यवरांच्या उपस्थितीत करण्यात आला.
------------------------
रोगनिदान शिबिराचे आयोजन
अकोला : विश्वस्वामी आयुर्वेदिक चिकित्सालय व पंचकर्म केंद्राच्यावतीने रोगनिदान शिबिराचे आयोजन करण्यात आले आहे. शिबिरात वातव्याधी विकार, मधुमेह, हृदय व रक्त वाहिन्यांचे आजार आदींची तपासणी करण्यात येणार आहे.
----------------------
श्रीगुरुदेव सेवाश्रमात भजन कार्यक्रम
अकोला : श्रीगुरुदेव सेवाश्रमात दर एकादशीला रात्री ८ ते १० या कालावधीत भजनांच्या कार्यक्रमाचे आयोजन होत असते. नागरिकांनी या भजन कार्यक्रमाचा लाभ घ्यावा, असे आवाहन सेवाश्रमातर्फे करण्यात आले आहे.
-----------------------
आधार कार्ड केंद्राचा नागरिकांनी घेतला लाभ
अकोला : ऑल इंडिया कौमी तंजीमतर्फे येथील दीपक चौक परिसरात आधार कार्ड केंद्र थाटण्यात आले होते. या केंद्राचा लाभ घेत नागरिकांनी मोठ्या प्रमाणात आधार कार्ड काढले.
--------------------