ऑनलाइन लोकमततिरुवनंतपुरम, दि. 3 - केरळमधील कलाच्चीमध्ये स्वयंसेवक संघाच्या कार्यालयावर अज्ञातांनी बॉम्ब फेकल्याची घटना समोर आली आहे. या हल्ल्यात संघाचे तीन कार्यकर्ते जखमी झाले आहेत. जखमी कार्यकर्त्यांना कोझिकोडमधल्या मेडिकल कॉलेजमध्ये उपचारासाठी दाखल करण्यात आलं आहे. मात्र संघाच्या कार्यालयावर बॉम्ब कोणी फेकला, हे अद्याप स्पष्ट झालेलं नाही. विशेष म्हणजे केरळमध्ये डावे आणि संघाच्या कार्यकर्त्यांमध्ये वादाच्या अनेक घटना घडत असतात. या प्रकारानंतर संघ विचारक राकेश सिन्हा यांनी केरळच्या मुख्यमंत्र्यांवर निशाणा साधला आहे. मुख्यमंत्री पिनाराई विजयन यांची फूस असल्यामुळेच डाव्यांकडून हिंसात्मक कारवाई केली जाते. त्यानंतर सिन्हा यांनी केंद्रीय गृहमंत्रालयानं केरळ सरकारवर सल्लागार समिती नेमावी, अशी मागणी केली आहे. तसेच केरळमधील लोकांचे प्रश्न जाणून घेण्यासाठी केंद्रीय गृहमंत्री राजनाथ सिंह यांनी केरळचा दौरा करावा, असंही ते म्हणाले आहेत.
(केरळच्या मुख्यमंत्र्यांचा शिरच्छेद करणा-याला 1 कोटी देईन - RSS नेता)राष्ट्रीय स्वयंसेवक संघाचे नेते कुंदन चंद्रावत यांनी जो कोणी केरळचे मुख्यमंत्री मुख्यमंत्री पिनाराई विजयन यांचा शिरच्छेद करेल त्याला 1 कोटी रुपयांचे बक्षीस देण्याची घोषणा केली होती. त्यानंतर हा हल्ला झाल्यानं तर्कवितर्कांना उधाण आलं आहे. मात्र स्वयंसेवक संघाकडून कुंदन चंद्रावत यांच्या वक्तव्याचा निषेध नोंदवण्यात आला आहे. तसेच संघ कधीच हिंसात्मक कारवाईचे समर्थन करणार नसल्याचंही संघानं स्पष्ट केलं आहे.
It's time for Home Ministry to issue advisory to Kerala Govt. HM should visit Kerala as it's a question of unsettling civil society: R Sinha pic.twitter.com/bYhNfg50DN— ANI (@ANI_news) March 2, 2017
Violent activities of CPM are being patronised & promoted by Kerala CM: RSS ideologue Rakesh Sinha on RSS office attack in Kerala pic.twitter.com/3fpeby3vRQ— ANI (@ANI_news) March 2, 2017
#Visuals Bomb hurled at RSS office in Kallachy near Nadapuram, Kerala. 3RSS workers injured, shifted to Government Medical College,Kozhikode pic.twitter.com/l1uNGLsW0F— ANI (@ANI_news) March 2, 2017