ऑनलाइन लोकमत
श्रीनगर, दि. 20 - जम्मू-काश्मीर सरकारने देशविरोधी कारवाया केल्याचा ठपका ठेवत 12 पेक्षा जास्त अधिका-यांना बडतर्फ केले आहे, अशी माहिती एका वरिष्ठ अधिका-याने दिली आहे. वरिष्ठ अधिका-याने दिलेल्या माहितीनुसार, पोलिसांनी या सर्व अधिका-यांचा देशविरोधी कारवायांशी संबंधित असलेला अहवाल मुख्य सचिवांकडे सुपुर्द केला. यानंतर संबंधित विभाग प्रमुखांना कारवाई करण्याचे आदेश देण्यात आले. बडतर्फ करण्यात आलेल्या अधिका-यांमध्ये काश्मीर विद्यापीठातील सहाय्यक रजिस्ट्रारचाही समावेश आहे. शिवाय, शिक्षण विभाग, महसूल विभाग, सार्वजनिक आरोग्य विभाग, अभियांत्रिकी विभाग, अन्नपुरवठा विभागातील अधिका-यांचाही समावेश आहे.
12 J&K Govt officials from different departments terminated for anti-national activities— ANI (@ANI_news) October 20, 2016
J&K: Terminated officials are from department of School education,water department,Revenue ,Food and Supplies and Forest— ANI (@ANI_news) October 20, 2016
कलम 126 अंतर्गत या सरकारी अधिका-यांविरोधात कारवाई करण्यात आली आहे. यातील काही अधिका-यांविरोधात आधीच सार्वजनिक सुरक्षा कायद्यांतर्गत गुन्हा दाखल करण्यात आला होता, तर काही जण अटकेची कारवाई टाळण्यासाठी फरार झाले आहेत, असे वरिष्ठ अधिका-यांनी सांगितले आहे.