ऑनलाइन टीम
नवी दिल्ली, दि. १८ - पंतप्रधान नरेंद्र मोदी यांचे अत्यंत विश्वासू समजले जाणारे अमित शहा यांची भाजपाच्या राष्ट्रीय अध्यक्षपदी वर्णी लागणार असल्याची माहिती सूत्रांनी दिली आहे.
एका इंग्रजी वृत्तपत्राने दिलेल्या माहितीनूसार अमित शहा यांच्या नावाला भाजपामधील वरिष्ठ नेत्यांची पसंती आहे. भाजपाचे राष्ट्रीय अध्यक्ष राजनाथ सिंग यांनी केंद्रीय गृहमंत्री म्हणून पदभार स्वीकारल्यानंतर या पदाचा राजीनामा दिला होता. या पदासाठी जगत प्रकाश नड्डा आणि ओम माथूर यांचे नावही आघाडीवर आहे. पंरतू लोकसभा निवडणुकीत उत्तर प्रदेशचे प्रभारी राहिलेल्या अमित शहा यांनी भाजपाला ८० जागांपैकी न भूतोन भविष्य अशा ७१ जागा मिळवून देत घवघवीत यश मिळवून दिले. तर नड्डा हे सध्या राज्यसभेचे खासदार आहेत. हिमाचल प्रदेशमधून ते मे २०१२साली राज्यसभेवर गेले आहेत. त्याआधी ते २०१० साली राष्ट्रीय महासचिव तसेच १९९८ ते २००३, २००८ ते २०१० या काळात हिमाचल प्रदेश सरकारामध्ये कॅबिनेट मंत्री म्हणून काम पाहिले आहे.