कोरोनाचा वाढता प्रभाव नियंत्रित करण्यासाठी शनिवारी(दि.१३) व रविवारी (दि.१४) अत्यावश्यक सेवा वगळता, अन्य सर्व दुकाने व व्यावसायिक आस्थापना पूर्णपणे बंद ठेवण्याचे आदेश दिले आहेत. त्यानुसार, शनिवारी (दि.१३) शहरातील शहरातील शालिमार, मेन रोड, दहीपूल, रविवार कारंजा, अशोकस्तंभ, कॉलेज रोड, गंगापूर रोड परिसरातील इलेक्ट्रिक, कपडे, सौदर्य प्रसाधने यांसारखी व्यावसायिक दुकाने व मॉल्स पूर्णपणे बंद ठेवण्यात आले होते, तर किराणा दुकानांसह डेअरी उत्पादने व खानपानाचे हॉटेल, उपहारगृह वेळेचे निर्बंध पाळून सुरू असल्याचे दिसून आले. मात्र, यात काही प्रवाशी स्थानकांच्या परिसरातील चहा व वडापावचे स्टॉल सुरू असल्याने, या ठिकाणी ग्राहकांची वर्दळ दिसून आले. दरम्यान, प्रशासनाच्या आदेशाला शहरातील मेन रोड, दहीपूल, रविवार कारंडा, शालिमार, कॉलेज रोड, गंगापूर रोड परिसरासह पंचवटी, गंगापूर, सातपूर, अंबड, सिडको, गोविंदनगर, इंदिरानगर, मुंबई नाका, द्वारका, उपनगरसह नाशिक रोड व देवळाली भागातील व्यावसायिकांनी प्रतिसाद देत दुकाने बंद ठेवली होती.
इन्फो-
मास्कशिवाय वावर
कोरोनाचे संकट वाढत असताना, एकीकडे प्रशासनाकडून शहरासह जिल्हाभरात कडक कोरोना प्रतिबंधात्मक नियम लागू करण्यात आले आहेत, तर दुसरीकडे शहरातच एमजी रोड, मेन रोडसह अन्य काही भागांमध्ये तरुण मंडळी विनामास्क फिरताना, कट्ट्यांवर गप्पा मारताना दिसून आले. शहरातीतल रस्त्यांवरही अनेक दुचाकी चालकांनी हेल्मेट अथवा मास्कचा वापर केला नसल्याचे चित्र पाहायला मिळाले.
इन्फो-
कोरोना संसर्ग वाढल्याने, नागरिकांनी विनाकारण घराबाहेर करू नये, तसेच शनिवार व रविवारच्या दिवशी अत्यावश्यक सेवा वगळता, अन्य व्यावसायिकांनी दुकाने उघडू नयेत, अन्यथा कारवाई केली जाईल, अशा सूचना महापालिकेच्या आरोग्य विभागाकडून फिरत्या वाहनांमधून करण्यात येत आहे. त्याचप्रमाणे, घंटागाडी व निर्जंतुकीकरणासाठी फिरणाऱ्या वाहनांमधूनही कोरोना प्रतिबंधात्मक उपाययोजनांविषयी जनजागृती करण्यात येत आहे. त्याचप्रमाणे, शहरातील सीबीएस, मेहर सिग्नल भागात ध्वनिक्षेपकांद्वारे कोरोना प्रतिबंधात्मक खबरदारी घेण्याविषयी सूचना करण्यात येत आहे.
===Photopath===
130321\13nsk_15_13032021_13.jpg
===Caption===
शहरातील रस्त्यावर शुकशुकाट