शिवसेनेकडून रेमडेसिविरची गरज विशद

रेमडेसिविर इंजेक्शनच्या वितरणात गेल्या काही दिवसांत झालेला सावळागोंधळ, एका रुग्णालयाकडे सापडलेला एक हजार इंजेक्शनचा पुरवठा आणि रुग्ण व त्यांच्या नातेवाइकांना भोगाव्या लागत असलेल्या नरकयातना या पार्श्वभूमीवर बडगुजर यांच्या नेतृत्वाखालील शिष्टमंडळाने जिल्हाधिकारी सूरज मांढरे यांची भेट घेऊन त्यांना मागण्यांचे निवेदन सादर केले. शिवसेनेच्या विभागप्रमुखांनी आपापल्या विभागातील रुग्णालयांना भेटी देऊन माहिती घेतली असता महानगरात महापालिका रुग्णालय तसेच शासकीय रुग्णालय वगळता खाजगी रुग्णालयांसाठी ३५०० रेमडेसिविर इंजेक्शनची तातडीने आवश्यकता असल्याचे निदर्शनास आले असून, त्याची माहिती देण्यात आली. रेमडेसिविरच्या नियोजनासाठी जिल्हाधिकारी कार्यालयातील दोन अधिकाऱ्यांची नियुक्ती करण्यात आल्याचेही या वेळी सांगण्यात आले. असे असले तरी जिल्हाधिकारी कार्यालयामार्फत नियोजन सुरळीत होते किंवा नाही याची खातरजमा प्रत्येक रुग्णालयात जाऊन शिवसेना पदाधिकारी करतील, असेही बडगुजर यांनी जिल्हाधिकाऱ्यांच्या निदर्शनास आणले. शिष्टमंडळात शिवसेनेचे योगेश बेलदार, देवा जाधव, सुनील जाधव, सचिन बांडे, शैलेश सूर्यवंशी, मसूद जिलानी, सागर कर्पे, सागर निकाळे, सुनील निरगुडे, महेंद्र बडवे, वीरेंद्र टिळे, संजय परदेशी, पवन मटाले, सुरेश पाटील, मयूर परदेशी, नरेश सोनवणे, प्रमोद नाथेकर आदी उपस्थित होते. (फोटो १४ शिवसेना)