महिला बालकल्याण सभापतिपदी सरोज अहिरे

निवड निश्चित : उपसभापतिपदासाठी कावेरी घुगे यांचा अर्ज

नाशिक : महापालिकेच्या महिला व बालकल्याण समितीच्या सभापतिपदासाठी भाजपाकडून सरोज अहिरे यांनी, तर उपसभापतिपदासाठी कावेरी घुगे यांनी उमेदवारी अर्ज दाखल केले आहेत. शिवसेनेकडून सभापतिपदासाठी नयना गांगुर्डे यांनी उमेदवारी अर्ज दाखल केला असला तरी, समितीवर भाजपाचे स्पष्ट बहुमत असल्याने सभापतिपदी सरोज अहिरे यांच्या निवडीची केवळ औपचारिकताच बाकी आहे. महापालिकेच्या महिला व बालकल्याण समितीच्या सभापती व उपसभापतिपदासाठी सोमवारी (दि. १५) दुपारी ४ वाजता निवडणूक घेण्यात येणार आहे.