रस्ता लूट करणारी टोळी जेरबंद

वडनेरभैरव : अवघ्या १८ तासात पोलिसांकडून शोध

वडनेरभैरव : वडनेरभैरव शिवारातून रस्ता लूट करणाऱ्या तिघांना अवघ्या १८ तासात अटक करण्यात वडनेरभैरव पोलिसांना यश आले आहे. या तिघांकडून अधिक गुन्हांची उकल होण्याची शक्यता वडनेरभैरवचे सहायक पोलीस निरीक्षक नितीन पाटील यांनी व्यक्त केली आहे. संकेत प्रकाश हिंगमिरे, रविदादा केदारे, सोमेश्वर शरद डोखळे (सर्व, रा. पिंपळगाव बसवंत) अशी अटक केलेल्यांची नावे आहेत. पोलिसांनी नाकाबंदी करून चोरांना अटक केली. पिंपळगाव पोलीस स्थानिक गुन्हे विभागाच्या मदतीने अवघ्या १८ तासात या चोरांना अटक करण्यात पोलिसांना यश आले. चोरांकडून सर्व मुद्देमाल जप्त करण्यात आला. (वार्ताहर)वडनेरभैरव शिवारात रस्ता लूट करणाऱ्या टोळीला पोलिसांनी अटक केली. यावेळी वडनेरभैरवचे सहायक पोलीस निरीक्षक नितीन पाटील, रफिक शेख, उपनिरीक्षक ए. ओ. पाटील, हवालदार लगड, संतोष वाघ, कृष्णा भोये, मच्छिंद्र कराड आदि.