दिंडोरीत मतदार यादीबाबत तक्रारींचा पाऊस

दिंडोरी नगरपंचायत निवडणुकीसाठी प्रभाग निहाय प्रारुप मतदार याद्या नुकत्याच प्रसिद्ध करण्यात आल्या. त्याबाबत मतदारांना असलेल्या हरकती साठी देण्यात आलेल्या मुदतीत ९५० तक्रार अर्ज प्राप्त झाले असून या सर्व अर्जाची पडताळणी निवडणूक आयोगातर्फे करण्यात येऊन योग्य ती कारवाई करून अंतिम मतदार याद्या दिनांक १ मार्च रोजी प्रसिद्ध होणार आहेत. अनेक मतदारांनी आपले नाव आपण राहत असलेल्या प्रभागाचा ऐवजी अन्य प्रभागात जोडण्यात आले आहेत अशा तक्रारी केल्या आहेत. तसेच पूर्वी शहरात राहत असलेले परंतु आता येथे राहत नसलेल्या मतदारांची नावे पुन्हा सर्वेक्षण करत कमी कराव्यात, सूचना मांडण्यात आल्या आहेत. त्याबाबत तक्रारींची निवडणूक आयोगातर्फे कायदेशीर बाबी तपासत पडताळणी करण्यात येणार आहे.