नगरमधील पाकीटमार महिलांच्या टोळीस अटक

नगरमधील पाकीटमार महिलांच्या टोळीस अटक

नाशिक : गर्दीचा फायदा घेत बसस्थानके तसेच बसप्रवासात प्रवाशांचे पाकीट वा पर्समधील पैशांची चोरी करणारी अहमदनगर येथील सराईत महिलांच्या टोळीस सरकारवाडा पोलिसांनी अटक केली आहे़ या महिलांवर सरकारवाडा पोलीस ठाण्यात चोरीचा गुन्हा दाखल करण्यात आला आहे़ जुने सीबीएस बसस्थानकावर गुरुवारी (दि़ १३) सकाळी सहा वाजेच्या सुमारास अमजदखान मुनाफ खान (३०, रा़ इम्मान बाळा मोहल्ला मशिदीजवळ, केहेकर, जि़ बुलडाणा) हे पत्नीसह बसमध्ये चढत होते़ त्यावेळी संशयित सुवर्णा विठ्ठल काळे (३०), माया कल्याण भोसले (२५) व प्रतिभा प्रवीण काळे (२२, रा. इनामदार वस्ती हातगावनगर, शेवगाव जि. अ. नगर) या महिलांनी त्यांच्या पत्नीच्या गळ्यातील पर्स हातोहात लांबविली़ मात्र, हा प्रकार पत्नीच्या पाठीमागे असल्याने त्यांच्या त्वरित लक्षात आला़ त्यांनी त्वरित सरकारवाडा पोलिसांना घटनेची माहिती दिल्यानंतर या तिन्ही महिलांना पोलिसांनी अटक केली़ खान यांच्या पत्नीच्या पर्समध्ये मोबाइल, आधारकार्ड, मेकअप किट, चांदीचे जोडवे असे साडेसहा हजार रुपयांचे साहित्य होते़ पोलिसांनी पकडलेल्या या महिलांनी नाशिक शहरातील विविध ठिकाणी अशा प्रकारे चोºया केल्याची कबुली दिली आहे़ (प्रतिनिधी)