विंचूर नजीक अपघातात एक ठार ; दोन गंभीर

विंचूर नजीक अपघातात एक ठार ; दोन गंभीर

विंचूर- लासलगाव येथे उपचार घेत असलेल्या नातेवाईकांना भेटण्यासाठी जात असताना मोटारसायकल आण िछोटा हत्ती वाहन यांच्यात झालेल्या अपघातात मोटारसायकलवरील संदीप रत्नाकर मोकळ (वय 25,रा.पाथरे,ता. सिन्नर,ह.मु.चिचोंडी ता.येवला) हा युवक जागीच ठार झाला, तर अन्य दोघे गंभीर जखमी झाल्याची घटना आज सायंकाळी साडेसहाच्या सुमारास विंचूर लासलगाव रस्त्यावर घडली.लासलगाव रस्त्यावर पालखेड डावा कालव्यानजीक असलेल्या बेदाणा शेडवर टाटा कंपनीचा छोटा हत्ती (एम.एच.15 इ.जी.1219) द्राक्षे घेऊन जात होता. या वाहनास पाठीमागून यामाहा कंपनीच्या मोटारसायकलने जोरदार धडक दिल्याने मोटारसायकलवरील संदीप मोकळ हा जागीच ठार झाला, तर युवराज चिंतामन गुंजाळ (23, रा.चिचोंडी, ता.येवला) व किरण मधूकर दुसिंग (20,रा.रूई,ता.निफाड) हे गंभीर जखमी झाले. मोटारसायकलवरील तीघेजण लासलगाव येथील रु ग्णालयात उपचारार्थ दाखल असलेल्या नातेवाईकांना भेटण्यासाठी चालले होते. दोन्ही जखमींना अधिक उपचारासाठी नाशिक येथे हलविण्यात आले आहे. याबाबत पुढील तपास स.पो.नि. आर.बी.सानप यांच्या मार्गदर्शनाखाली स.पो.उ.नि.आर.टी.तांदळकर हवालदार एल.के.धोक्र ट, दिपक सांगळे आदि करीत आहे.