म्हसरूळ परिसरातील दोन सराईत घरफोडे जेरबंद

म्हसरूळ परिसरात घरफोड्या करणाºया दोन सराईत गुन्हेगारांना पोलिसांनी जेरबंद केले असून, त्यांच्याकडून ९० हजार रुपयांचा मुद्देमालही जप्त करण्यात आला आहे़

नाशिक : म्हसरूळ परिसरात घरफोड्या करणाºया दोन सराईत गुन्हेगारांना पोलिसांनी जेरबंद केले असून, त्यांच्याकडून ९० हजार रुपयांचा मुद्देमालही जप्त करण्यात आला आहे़ मंगेश ऊर्फ मंग्या बाजीराव दळवी (१८) व बबल्या रघुनाथ वळवी (१९ रा.दोघे रा.अंबिकानगर झोपडपट्टी,पेठरोड) अशी अटक केलेल्या दोघा संशयितांची नावे आहेत. म्हसरूळ पोलीस ठाण्याचे वरिष्ठ पोलीस निरीक्षक सुभाष देशमुख यांना या दोघा सराईत गुन्हेगारांनी म्हसरूळ परिसरात घरफोड्या केल्याची माहिती मिळाली होती़ त्यानुसार जमादार संजय पवार, हवालदार येवाजी महाले, संजय राऊत, पोलीस नाईक किशोर रोकडे, राजू टेमगर, मंगेश दराडे यांनी सापळा रचून या दोघांना अटक केली़ त्यांना पोलीस खाक्या दाखविताच त्यांनी दोन घरफोड्या केल्याची कबुली देत चोरलेला एलइडी टीव्ही आणि दुकान फोडून चोरून नेलेल्या सुमारे ७० हजार रुपये किमतीच्या साड्या असा ९० हजारांचा ऐवज काढून दिला. दरम्यान, म्हसरूळ पोलिसांनी अटक केलेले दळवी व वळवी या दोघे सराईत असून, त्यांच्याकडून आणखी गुन्हे उघडकीस येण्याची शक्यता आहे़