महालक्ष्मीनगर, अश्विननगरला घरफ ोडी

महालक्ष्मीनगर, अश्विननगरला घरफ ोडी

 नाशिक : दुकानाचे पत्र्याचे शेड उचकटून चोरट्यांनी हजारो रुपयांचा ऐवज चोरून नेल्याची घटना अंबड परिसरातील महालक्ष्मीनगरमध्ये घडली़ याबाबत अधिक माहिती अशी की, दुधनाथ वसंत प्रजापती यांचे श्री अपार्टमेंटमध्ये दुकान आहे़ सोमवारी रात्रीच्या सुमारास चोरट्यांनी दुकानाचे पत्र्याचे शेड उचकटून त्यातील मशीन, कॉम्प्युटर, सिलिंडर असा ७८ हजार रुपयांचा ऐवज चोरून नेला़ याप्रकरणी अंबड पोलीस ठाण्यात चोरीचा गुन्हा दाखल करण्यात आला आहे़ दुसरी चोरीची घटना सिडकोतील अश्विननगरच्या बंद कॉम्प्युटर दुकानात घडली़ विलास भालचद्र विभांडिक यांचे बंद कॉम्प्युटर दुकानाच्या दरवाजाचा कडी-कोयंडा तोडून चोरट्यांनी लॅपटॉप, हार्ड डिस्क असा एकूण ७४ हजार रुपयांचा ऐवज चोरून नेला़ अंबड पोलीस ठाण्यात चोरीचा गुन्हा दाखल केला आहे़