नाशिक : नाशिक जिल्हा खो-खो असोसिएशनच्या वतीने आयोजित दुसऱ्या प्रीमियर लीग खो-खो स्पर्धेला छत्रपती शिवाजी महाराज क्रीडा संकुलात शुक्रवारपासून (दि. १२) प्रारंभ होणार आहे. ही स्पर्धा १४ फेब्रुवारीपर्यंत होणार आहे.
खो-खो स्पर्धेचे उद्घाटन जिल्हा परिषद नाशिकच्या मुख्य कार्यकारी अधिकारी लीना बनसोड उपस्थित राहणार आहेत. स्पर्धा कालावधीत उपस्थित राहून खेळाडूंना प्रोत्साहित करावे असे आवाहन नाशिक जिल्हा खो-खो असोसिएशनचे अध्यक्ष विश्वास ठाकूर , आजीवन अध्यक्ष रमेश भोसले व सरचिटणीस उमेश आटवणे ,प्रसिद्धी प्रमुख सचिन निरंतर यांनी केले आहे. सकाळ व सायंकाळ अशा दोन सत्रात सामने खेळविले जातील. सकाळी आठ ते दहा व संध्याकाळी सहा ते आठ या वेळेत हे सामने खेळवण्यात येणार आहेत.