-------------------------------------------
ग्रामीण तीर्थक्षेत्रांच्या विकास कामांसाठी निधी
सिन्नर : ग्रामीण तीर्थक्षेत्र विकास योजनेंतर्गत सिन्नर विधानसभा मतदार संघात समावेश असलेल्या ६ देवस्थानच्या विकासासाठी जिल्हा वार्षिक योजनेतून ५४ लाखांचा निधी मंजूर झाला आहे. त्यामुळे या देवस्थानच्या विकासात भर पडण्यास मदत होणार आहे.
-----------------------------------
डुबेरेत कोरोना विषाणूबाबत जनजागृती
सिन्नर : तालुक्यातील डुबेरे ग्रामपंचायत व आरोग्य विभागाच्या वतीने कोरोना जनजागृती दिन पाळण्यात आला. जनजागृती फेरी काढून ग्रामस्थांना नियम पाळण्याचे आवाहन करण्यात आले. नियम पाळा, कोरोना टाळा असे आवाहन करण्यात आले.
-------------------------------------
कांद्याचा उत्पादन खर्च निघेना
सिन्नर : बाजार समितीत गेल्या काही दिवसापासून लाल व उन्हाळ असे दोन्ही प्रकारचे कांदे दाखल झाले आहेत. तसेच कांदा दरातही मोठी घसरण झाली आहे. सध्या कांद्याला कवडीमोल भाव मिळत असल्याने शेतकऱ्यांचा उत्पादन खर्चही निघणे मुश्कील झाले आहे.
----------------------------------------
नांदूरशिंगोटेत ज्येष्ठ नागरिकांचे लसीकरण
नांदूरशिंगोटे : सिन्नर तालुक्यातील दापूर प्राथमिक आरोग्य केंद्रांतर्गत असलेल्या नांदूरशिंगोटे येथील उपकेंद्रात ज्येष्ठ नागरिकांना तसेच ४५ वर्षावरील नागरिकांना कोरोना प्रतिबंधक लसीचे लसीकरण करण्यात आले.
------------------------------
समृद्धीची अवजड वाहतूक डोकेदुखी
वावी : तालुक्यातील वावी परिसरात समृद्धीच्या अवजड वाहतुकीमुळे रस्त्यांची चाळण झाली आहे. त्यामुळे येथील काही तरूणांनी वावी-पिंपरवाडी रस्त्यावर चालणाऱ्या अवजड वाहनांना वाहतुकीसाठी मज्जाव केला.