सिन्नर : हरसुले फाटा ते औंढेवाडी रस्त्याची तातडीने दुरुस्ती करावी, अन्यथा बुधवारी सकाळी साडेअकरा वाजता रास्ता रोको करण्याचा इशारा भाजपच्या वतीने देण्यात आला. याबाबत तहसीलदारांना निवेदन देण्यात आले आहे. सिन्नर-घोटी रस्त्यावरील हरसुले फाटा ते औंढेवाडी हा रस्ता गेल्या एक वर्षापासून सार्वजनिक बांधकाम विभागाकडे वर्ग करण्यात आला आहे. या रस्त्यावर मोठमोठे खड्डे पडले आहेत. रस्त्याच्या दुरवस्थेमुळे अनेक अपघात झाल्याने, अनेकांचे प्राण गेले असून, काही जणांचा अपंगत्व आले आहे. सदर रस्त्यावरील तातडीने खड्डे बुजवावेत, अन्यथा शासनाचे लक्ष वेधण्यासाठी हरसुले फाटा येथे बुधवारी रास्ता रोको करण्याचा इशारा भाजपच्या वतीने देण्यात आला आहे. यावेळी भाजपचे तालुकाध्यक्ष बाळासाहेब हांडे, ज्येष्ठ नेते भाऊसाहेब शिंदे, जयंत आव्हाड, रामनाथ डावरे, सुभाष कर्पे, शांताराम आव्हाड, संजय पवार, बिहरू दळवी, चंद्रकांत भागवत, विशाल क्षत्रिय, सजन सांगळे, मनोज शिरसाट आदींसह कार्यकर्ते उपस्थित होते.
------------------------
हरसुले फाटा-औंढेवाडी रस्ता दुरुस्तीच्या मागणीचे निवेदन नायब तहसीलदारांना देताना भाजपचे पदाधिकारी. (२१ सिन्नर रस्ता)
210921\21nsk_5_21092021_13.jpg
२१ सिन्नर रस्ता