कोरोनाच्या पहिल्या आणि दुसऱ्या लाटेत लॉकडाऊन काळात अनेकांच्या घरांमध्ये एक ना अनेक कारणांवरून मतभेद होऊन वादविवादाचे प्रसंग घडले. अनेकदा वादविवादाला अगदी क्षुल्लक कारणेही पुरेशी ठरल्याचे पोलिसांकडे आलेल्या तक्रारींवरून दिसून येते. शहरातील भरोसा सेलकडे (महिला सुरक्षा शाखा) अशाचप्रकारे या काळात महिलांच्या घरगुती हिंसाचाराच्या घटनांमध्ये वाढ झाली. कधी मोबाईल मग्नता, तर कधी कामाचा वाढता व्याप, तर पतीकडून कामाच्या व्यापामुळे केली जाणारी चिडचिड... अशा विविध कारणांमुळे दाम्पत्यांमध्ये वाद घडले. त्याचप्रमाणे मुलांकडे लक्ष न देणे, स्वयंपाकात चुका करत आई-वडिलांच्या प्रकृतीविषयी काळजी न दाखविल्याचा आरोप करीत ९०७ पतींकडून त्यांच्या पत्नीविरुद्ध छळ केल्याच्या तक्रारी पोलिसांकडे मागील सहा महिन्यांत दाखल झाल्या आहेत. या तक्रारींमधील तथ्य शोधण्याचे मोठे आव्हान आता ‘भरोसा सेल’पुढे उभे राहिले असून, पती-पत्नींचे जाब-जबाब नोंदवून घेत तक्रार अर्जांची चौकशी केली जात आहे.
---इन्फो--
आर्थिक टंचाई अन् जास्त सहवास
कोरोना काळात पती-पत्नीमध्ये सहवास अधिकाधिक वाढला. दोघांनाही एकमेकांसोबत जास्त वेळ घालविण्यास वाव मिळाला; मात्र याचे काही कुटुंबांमध्ये दुष्परिणामही दिसून आले, तर काहींनी ही एक चांगली संधी म्हणून एकमेकांची काळजी घेत समजून घेण्याचा प्रयत्नही केला. आर्थिकदृष्ट्‌या निर्माण झालेली टंचाईदेखील वादविवादाच्या ठिणगीला कारणीभूत ठरत आहे.
-
---
अशी आहेत वाद-विवादाची कारणे...
मुलांच्या अभ्यासाकडे ती सतत दुर्लक्ष करते.
कामाचा व्याप वाढल्याने सतत घरात चिडचिड करीत वृद्ध सासू-सासऱ्याकडे दुर्लक्ष करते.
नोकरीच्या ठिकाणचा कामाचा किंवा वरिष्ठांविषयीचा राग घरात व्यक्त करणे.
मोबाईलवर सारखे का बोलते? अशा विविध तकलादू कारणांवरून पतींकडून पत्नीविरुद्ध तक्रारी करण्यात आल्या आहेत.
---पॉइंटर्स---
पुरुषांच्या महिलांविरुद्ध तक्रारी - २४
महिलांच्या पुरुषांविरुद्ध तक्रारी - ९०७
भरोसा सेलकडे आलेल्या एकूण तक्रारी - ९३१
----इन्फो--
३१ बायका पुुन्हा नांदण्यास...
कोरोना काळात उद‌्भवलेल्या वादविवादाच्या प्रसंगानंतर भरोसा सेलकडे आलेल्या तक्रारींनंतर पती-पत्नींची समजूत पोलिसांकडून काढण्यात आली. संसारवेल कोमेजू देऊ नये, यासाठी सप्तपदीत एकमेकांना दिलेल्या वचनांचे स्मरण पोलिसांकडून करून देण्यात आले. तसेच बहुतांश दाम्पत्यांचे समुपदेशनही पोलिसांनी केले. पतीपासून दुरावलेल्या ३१ महिलांचे एप्रिलअखेरपर्यंत मनपरिवर्तन करण्यास पोलिसांना यश आले. ९७ दाम्पत्यांमध्ये न्यायालयात समझोता झाला.
250721\25nsk_12_25072021_13.jpg
बायकोकडून छळ