हेल्मेट तपासणी सुरु
नाशिक : कोरोनाचा कहर कमी होऊ लागताच शहरात आणि शहराच्या परिघात वाहतूक पोलिसांकडून नागरिकांच्या हेल्मेट तपासणीला सुरुवात झाली आहे. विनाहेल्मेट फिरणाऱ्या दुचाकीचालकांना थांबवून त्यांच्याकडे विचारणा करण्यात येत असून हेल्मेट न घातलेल्या नागरिकांकडून दंडदेखील वसूल केला जात आहे.
छत्री, रेनकोटचा बाजार थंडच
नाशिक : शहरात जूनच्या प्रारंभापासूनच पावसाळा सुरु झाला असला तरी छत्री आणि रेनकोट विक्रीला वेग आलेला नाही. दुकानदारांनी दरवर्षीप्रमाणे यंदा दुकानांबाहेर मोठ्या प्रमाणात छत्र्या, रेनकोट टांगून ग्राहकांना आकर्षित करण्याचा प्रयत्न केला असला तरीही पूर्वीच्या तुलनेत अद्यापही बाजार थंडच असल्याचे दिसून येत आहे.
किटकॅट चौकात वाहतूक ठप्प
नाशिक : स्मार्ट रोडच्या नावाखाली अर्धा रस्ता खणून ठेवण्यात आल्याने किटकॅट चौक ते जिल्हा परिषदेसमोरील रस्त्यावर सकाळपासून रात्रीपर्यंत वाहतूक ठप्प होण्याचे प्रकार वारंवार घडत आहेत. सोमवारी आठवड्यातील कामकाजाचा पहिलाच दिवस असल्याने तर दुपारी काही काळ संंपूर्ण वाहतूकच ठप्प झाली होती.