सिध्दार्थनगरचा गटऱ्या अन‌् भारतनगरचा वसीम स्थानबध्द

वसीम याने भारतनगर, विनयनगर, इंदिरानगर या भागातील रहिवाशांमध्ये दहशत पसरविण्यासाठी घातक अशा धारधार शस्त्राचा वापर केला. त्याच्याविरुध्द इंदिरानगर, अंबड, मुंबईनाका, भद्रकाली, नाशिकरोड आदि पोलीस ठाण्यांत गंभीर स्वरुपाचे गुन्हे दाखल आहेत. तसेच गटऱ्या हादेखील सिध्दार्थनगर, कॉलेजरोड, तिबेटियन मार्केट, नवनाथनगर आदी भागात हाणामाऱ्या, लुट, चोऱ्या, मारहाणसारखे कृत्य करत सातत्याने शस्त्रबंदी आदेशाचे उल्लंघन करत विनापरवाना शस्त्रे बाळगून नागरिकांमध्ये भीती निर्माण करण्याचा प्रयत्न करत होता. त्याच्याविरुध्द गंगापुर, सरकारवाडा, पंचवटी, अंबड आणि वावी पोलीस ठाण्यात गुन्हे दाखल करण्यात आले आहे. दरोडा, दरोड्याचा प्रयत्न, जबरी चोरी, खून, गंभीर दुखापत करणे, घरांना आगी लावणे, घरफोडी, सरकारी कामात अडथळा आणणे, महिलांचा विनयभंग करणे यांसारखे गुन्हे दाखल आहेत. शहरात कायदा सुव्यवस्था राखण्यासाठी पाण्डेय यांनी या दोघा सराईत गुंडांवर झोपडपट्टी दादा (एम.पी.डी.ए) कायद्यान्वये स्थानबध्दतेची प्रतिबंधात्मक कारवाई करण्याचे आदेश काढले आहे.