समाजाच्या कल्याणासाठी गोदातीरी रूद्रपूजा

समाजाच्या कल्याणासाठी गोदातीरी रूद्रपूजा

नाशिक : वैदिक धर्मसंस्थान आणि सुयोजित व्हॅरिटीयन व्हॅली यांच्या संयुक्त विद्यमाने समाजाच्या कल्याणासाठी श्री श्री रविशंकर यांच्या उपस्थितीत रुद्रपूजेचे आयोजन केले होते. आसाराम बापू पूल परिसरात गोदातीरी आयोजित केलेल्या या पूजेसाठी हजारो नाशिककर उपस्थित होते. बंगळुरू येथील बारा पुरोहितांनी पूजेत सहभाग घेतला होता. मुख्य पुरोहित म्हणून स्वामी चैतन्य महाराज उपस्थित होते, तर नाशिकचे स्वामी वैशंपायन यांनीही पुजेत सहभाग घेतला होता. अनंत राजेगावर दाम्पत्य व अनिल जैन दाम्पत्यांना पुजेत सहभाग घेण्याचा मान मिळाला. ‘ॐ नम: शिवाय’च्या जयघोषाने संपूर्ण परिसर दुमदुमला होता. यावेळी महापौर अशोक मुर्तडक, आयुक्त डॉ. प्रवीण गेडाम, मविप्र संस्थेच्या सरचिटणीस नीलिमा पवार, आर्ट आॅफ लिव्हिंगचे विजय हाके, उत्तर महाराष्ट्र संयोजक, खंडू गांगुर्डे, राहुल पाटील आदि उपस्थित होते.