दिननाशिकरोड : दत्तमंदिररोड गाडेकर मळा येथील श्री साईबाबा मंदिराच्या सहाव्या वर्धापन दिनानिमित्त शुक्रवारपासून तीन दिवस विविध धार्मिक कार्यक्रमांचे आयोजन करण्यात आले आहे. शुक्रवारी सायंकाळी ५ वाजता श्री साईबाबांची शाही पालखी मिरवणूक, शनिवारी सकाळी साईयाग होमहवन, यज्ञ, ११ वाजता मोफत नेत्रतपासणी, चष्मे वाटप व सायंकाळी ७ वाजता ह.भ.प. नवनाथ महाराज थेटे (गिरणारे) यांचे हरीकीर्तन होणार आहे. रविवारी दुपारी महाप्रसाद, रक्तदान शिबिर व सायंकाळी ७ वाजता ह.भ.प. इंदुरीकर महाराज यांचे हरीकीर्तन व व्याख्यान होणार आहे. भाविकांनी मोठ्या संख्येने तीन दिवस चालणाऱ्या या धार्मिक सोहळ्यात सहभागी व्हावे, असे आवाहन ओम साई सेवा समिती ट्रस्टच्या वतीने करण्यात आले आहे. (प्रतिनिधी)
गाडेकर मळा साईबाबा मंदिर वर्धापन
By admin | Updated: November 23, 2015 23:00 IST