नाशिकचे सहकारी संस्था विशेष लेखापरीक्षक सूर्यकांत तुकाराम गांगुर्डे यांनी या संदर्भात शहर पोलिसांत फिर्याद दाखल केली आहे. दिनांक १ एप्रिल २०१८ ते ३१ मार्च २०१९ दरम्यान १९ सभासद व्यक्तींच्या नावे कर्ज रकमा टाकून तत्कालीन चेअरमन व संचालक मंडळ, कर्मचाऱ्यांनी ठेवीदारांच्या रकमेचा अपहार केला व कर्ज वाटपात अनियमितता करून ठेवीदारांचा संगनमताने विश्‍वासघात करत फसवणूक केल्याचे सदर फिर्यादीत लेखापरीक्षक गांगुर्डे यांनी म्हटले आहे. गांगुर्डे यांच्या फिर्यादीवरून संस्थेचे तत्कालीन चेअरमनसह संचालक, व्यवस्थापक व वसुली अधिकारी यांच्याविरुद्ध ७ कोटी ६९ लाख ७० हजार ९५९ रुपयांचा अपहार, गैरव्यवहार केल्याप्रकरणी भारतीय दंड संहिता १८६० मधील कलम ४०६, ४०९, ४२०, ३४ तसेच महाराष्ट्र ठेवीदारांच्या (वित्तीय संस्थांमधील हितसंबंधांचे संरक्षण) अधिनियम १९९९ च्या कलम ३ प्रमाणे शहर पोलिसांनी गुन्हा दाखल केला आहे.
दरम्यान, या प्रकरणी अधिक तपास पोलीस निरीक्षक संदीप कोळी हे करत आहेत.